रोचक बन्दै आईपीएल, तीन टोलीको टक्कर

काठमाडौं । राजस्थान रोयल्सलाई हराउँदे रोयल च्यालेन्जर्स बैंग्लुरुले इन्डियन प्रिमियर लिग (आईपीएल) मा महत्वपूर्ण १२ अंक जोडेको छ । आईपीएलको ४२ औं खेलमा बैंग्लुरुले राजस्थानविरुद्ध ११ रनको जित निकाल्यो ।

बैंग्लुरुले दिएको २०६ रनको विशाल लक्ष्य पछ्याएको राजस्थान १९४ रनमै समेटिएपछि बैंग्लुरु शीर्ष स्थानका टोलीलाईए टक्कर दिन आइपुगेको हो । बैंग्लुरु ९ खेलबाट १२ अंक जोड्दै तेस्रो स्थानमा छ । एक खेल कम खेलेका गुजरात टाइटन्स र दिल्ली क्यापिटल्स समान १२–१२ अंककासाथ पहिलो र दोस्रो स्थानमा छन् ।