जनावरमा मात्रै भेटिने शामोन्डा भाइरस पहिलोपटक मानिसमा संक्रमण पुष्टि

पेरिस - फ्रान्समा पहिलोपटक मानिसमा शामोन्डा भाइरस (Shamonda virus) को संक्रमण पुष्टि भएको छ। संक्रमण देखिएका बिरामीको अक्टोबरको सुरुवातमा मृत्यु भएको फ्रान्सेली अधिकारीहरूले बताएका छन्। यो भाइरस यसअघि गाईवस्तु तथा अन्य जनावरमा मात्र देखिएको थियो।

स्वास्थ्य अधिकारीहरूका अनुसार संक्रमित व्यक्ति गम्भीर रोगबाट पीडित थिए र उनको शरीरको रोगसँग लड्ने क्षमता निकै कमजोर थियो। अधिकारीहरूले यो घटनालाई असाधारण भनेका छन्। हालसम्म उपलब्ध जानकारीका आधारमा यसबाट सर्वसाधारणमा जोखिम नरहेको उनीहरूको भनाइ छ।