ला लिगामा तेस्रो स्थानको एटलेटिको मड्रिड विजयी

काठमाडौं । स्पेनिस ला लिगा फुटबलमा तेस्रो स्थानको एटलेटिको मड्रिड विजयी भएको छ । घरेलु मैदानमा एटलेटिकोले रायो भायकानोलाई ३-० गोल अन्तरले हरायो ।

घरेलु टोलीलाई जिताउन अलेक्जेन्डर सार्लोथले पहिलो तीन मिटेमै गोल गरे । पहिलो हाफको अन्तिम मिनेट (४५)मा कोनोर गैलाघरले टोलीको अग्रता दोब्बर पारे । ७७ औं मिनेटमा जुलियन अल्भारेजले व्यक्तिगत एक गोल गर्दै ३-० मा खेल टुंग्याए ।