रुस-युक्रेन युद्धविराम गर्न सहमत भएको ह्वाइट हाउसको दाबी, जेलेन्स्की अझै सशंकित

काठमाडौं । रुस र युक्रेन वाणिज्य व्यापारलाई सुरक्षित गर्न तथा सैन्य आक्रमण रोक्न सहमत भएको खबर छ । साउदी अरेबियामा दुबै देशका प्रतिनिधिबीच भएको भेटवार्ताका क्रममा यस्तो सहमति भएको ह्वाइट हाउसलाई उद्दृत गर्दै बीबीसीले जनाएको छ ।

दुई मुलुक युद्धविराम गर्न सहमत भए पनि युक्रेनी राष्ट्रपति भोलोदिमिर जेलेन्स्कीले रुस शर्तहरुबारे झुठ बोलिरहेको आरोप लगाएका छन् । रुसले युद्ध विराम लागू हुनु पहिले बैंक, बीमा कम्पनी र खाद्य निर्यातकर्तामाथि लागेको केही प्रतिबन्ध हटाइनु पर्ने बताएको छ ।