अपाङ्गता भएका महिलालाई अचार बनाउने तालिम

घोराही उपमहानगरपालिका–१४ का सुमन चौधरी अचार बनाउने तालिममा सहभागी हुन पाउँदा खुसी हुनुहुन्छ । उमेरले ३५ वर्ष पुग्नुभएका उहाँ शारीरिक रुपमा अपाङ्ग हुनुहुन्छ ।

विकलाङ्ग मित्र समूह अपाङ्ग बाल अस्पताल तथा पुनःस्थापना केन्द्रको आयोजना तथा अपाङ्ग मानव अधिकार एवं सरोकार मञ्च नेपाल दाङको समन्वयमा घोराही उपमहानगरपालिका–१५ स्थित अमृत टोलमा सञ्चालन भइरहेको १५ दिने अचार बनाउने तालिममा उहाँलगायत अपाङ्गता भएका व्यक्तिहरु हुनुहुन्छ ।