सक्रियता बढाउँदै संसदीय समितिहरू

काठमाडौं । प्रतिनिधिसभाअन्तर्गतका संसदीय समितिले सक्रियता बढाउन थालेका छन् । समितिमा नयाँ नेतृत्व चयन भएसँगै आफ्नो अधिकार क्षेत्रभित्र रहेका काम कारबाही तीव्रताका साथ अघि बढाउने पूर्वतयारी बैठक शुरू गरेका हुन् ।

गत हप्ता नयाँ नेतृत्व चयन भएपछि समितिका बैठकहरू धमाधम बस्न शुरू गरेको संसद् सचिवालयले जनाएको छ । मंगलबार मात्रै संसद्का पाँचवटा समितिको बैठक बसेको छ । संघीय संसद् सचिवालयका अनुसार मंगलबार उद्योग तथा वाणिज्य र श्रम तथा उपभोक्ता हित समिति, कानुन, न्याय तथा मानव अधिकार समिति, राज्य व्यवस्था तथा सुशासन समिति, सार्वजनिक लेखा समिति र विधायन व्यवस्थापन समितिको बैठक संसद् सचिवालय भवन सिंहदरबारमा बसेको हो ।