अर्बपति करबाट जुकरबर्गलाई जोगाउन मेटाले लगायो यस्तो जुक्ति

काठमाडौँ। अमेरिकी अर्बपति करबाट हुन सक्ने आर्थिक क्षति कम गर्न फेसबुकको मातृ कम्पनी मेटाले प्रमुख कार्यकारी अधिकृत मार्क जुकरबर्गलाई थप सेयर दिने सम्झौता गरेको छ । क्यालिफोर्निया राज्यमा अर्बपतिमाथि कर लगाउने प्रस्ताव अघि बढिरहेका बेला मेटाले यस्तो उपाय निकालेको हो ।

क्यालिफोर्नियामा एक अर्ब अमेरिकी डलरभन्दा बढी खुद सम्पत्ति भएका बासिन्दामाथि एकपटकका लागि पाँच प्रतिशत कर लगाउने प्रस्ताव छ । नोभेम्बरमा हुने मतदानबाट यो प्रस्ताव पारित भएमा दुई खर्ब डलरभन्दा बढी सम्पत्ति रहेको अनुमान गरिएका जुकरबर्गले करिब १० अर्ब डलर थप कर तिर्नुपर्ने हुन सक्छ ।