बिहारमा पटाका बनाउने क्रममा  विस्फोट, पति–पत्नी र छोरीसहित ७ जनाको मृत्यु

काठमाडाैँ। भारतको बिहारस्थित सिवान जिल्लामा पटाका बनाउने क्रममा घरमा विस्फोट हुँदा पति–पत्नी र उनीहरूकी छोरीसहित सात जनाको मृत्यु भएको छ।

शुक्रबार साँझ सिवान जिल्लाको आलमपुर गाउँमा रहेको घरमा विस्फोट भएको दैनिक भास्करले समाचारमा उल्लेख गरेको छ। विस्फोटबाट घरको ठुलो भाग भत्किएको छ भने भग्नावशेष सडकसम्म पुगेको छ। घटनास्थलमा शवका टुक्रा छरिएका थिए।