डेरीमा पशुको बोसोसहित अखाद्य वस्तु फेला

रौतहट । रौतहटको गौर नगरपालिका ५ स्थित फुलतारा डेरी उद्योगमा अखाद्य वस्तुहरू बरामद भएको छ। विशेष सूचनाको आधारमा जिल्ला प्रहरी कार्यालय र जिल्ला प्रशासन कार्यालयको संयुक्त टोलीले गौर नगरपालिका ५ पोखरीको पश्चिमी डिलमा रहेको फुलतारा डेरी उद्योगमा मङ्गलवार अनुगमन गर्दा अखाद्य वस्तु फेला परेको हो।

डेरी उद्योगमा भैँसी तथा अन्य पशुको बोसो र बोसोलाई मेशिनको मद्दतबाट घिउ बनाउन तयार पारिएका अखाद्य वस्तुहरू ठुलो परिमाणमा बरामद भएको रौतहट प्रहरी प्रमुख एसपी वीर बहादुर बुढामगरले बताए । प्रहरी टोलीले डेरीका सञ्चालक मोहम्मद मतिउल्लाहलाई नियन्त्रणमा लिएको छ ।