मधेस प्रदेशसभामा प्रतिपक्षी दलको अवरोध, बजेट संशोधन नगरे सञ्चालन हुन नदिने अडान

जनकपुरधाम । मधेस प्रदेशसभा बैठकमा प्रतिपक्षी दल जनता समाजवादी पार्टी (जसपा) नेपालले अवरुद्ध गरेको छ । बुधबार सातौँ अधिवेशनको १३औँ बैठक अवरुद्ध गरेको हो ।

मधेस प्रदेश सरकारले असार १ गते ल्याएको बजेटमाथि छलफलको लागि बैठक आह्वान गरिएको थियो । तर, जसपाका सांसदहरूले बैठक सुरु हुनासाथ उभिएर विरोध जनाएका थिए । विरोधको विषयमा बोल्दै जसपाका सांसद उपेन्द्र महतोले बजेट संशोधन भएर नआए सदन चल्न नदिने बताए ।