पोखरामा ‘खेल सप्ताह’ आयोजना हुँदै

खेल संस्कृतिको विकास तथा नयाँ प्रतिभाको खोजी गर्ने उद्देश्यले पोखरामा यही जेठ ३० देखि असार ५ गतेसम्म ‘खेल सप्ताह’ आयोजना हुने भएको छ ।

पोखरा महानगरपालिका खेलकुद विकास समितिले खेलकुद गतिविधिलाई थप व्यवस्थित, समावेशी र प्रतिभामुखी बनाउने उद्देश्यसहित ‘खेल सप्ताह’ गर्न लागेको हो । कार्यक्रमअन्तर्गत राष्ट्रिय तथा ‘ग्रासरुट’ तहका विभिन्न खेल समेटेर सप्ताहव्यापी कार्यक्रम हुनेछ ।