सिंघिया खोला पुल निर्माणको काम सम्पन्न गर्न निर्देशन

संघीय मामिला तथा सामान्य प्रशासनमन्त्री अमनलाल मोदीले सिंघिया खोलामा बन्न लागेको पुल चाँडोभन्दा चाँडो सम्पन्न गर्न निर्देशन दिएका छन् । चुनावी अभियानमा जनताबीच गरेको बाचा पूरा गर्न उनले सो निर्देशन दिएका हुन् ।

२०७४ को चुनावबेला मन्त्री मोदीले बुढीगंगा र ग्रामथान गाउँपालिकाको सिमानामा निर्माणाधीन सिंघिया खोला पुलको काम सम्पन्न गर्ने विश्वास मतदातालाई दिलाएका थिए । यो पुल २०५८ मा शिलान्यास भए पनि निर्माण हुन सकेको थिएन ।