मुख्य सामग्रीमा जानुहोस्

समाचार

विश्व

शिक्षा सुधारको स्थायी ठेगाना राज्य

rajdhanidaily.com · Wed Jul 28 23:33:54 GMT 2021

हाम्रो देशको शिक्षा क्षेत्र कुनै पनि राजनीतिक दल वा राज्यको प्राथमिकताको विषय बन्न सकेको छैन । बारम्बार परिवर्तन भइरहने सरकार र भागबन्डामा बन्ने शिक्षामन्त्रीहरू राजनीतिक व्यक्ति हुन्छन् । शिक्षाविद् हुँदैनन् । अझै राजनीति गर्न कुनै पनि शैक्षिक योग्यताको अनिवार्यता नभएको हाम्रोजस्तो देशमा शिक्षामन्त्रीमा नियुक्त हुने व्यक्तिको क्षमता के हुनुपर्ने भन्ने राज्यसँग कुनै मापदण्ड छैन । त्यसो त एक, दुई वर्षका लागि काम गर्ने शिक्षामन्त्रीले जादुको छडीजस्तो लथालिंग भएको शिक्षा क्षेत्रका समस्याहरू समाधान हुन्छन् भन्नु सान्दर्भिक हुँदैन । तथापि शिक्षा सुधारका लागि ठोस नीति बनाउने एवं कार्यान्वयन गर्ने आधिकारिक स्थायी संस्था राज्य हो । राज्यको प्राथमिकतामा नपरेकाले शैक्षिक क्षेत्र तहसनहस भएको छ ।

हाम्रो देशको शिक्षा क्षेत्र तहसनहस हुनको पछाडि राजनीतिक अस्थिरता हुनु, शैक्षिक योग्यताबिना नै शिक्षामन्त्री हुन पाउने राजनीतिक व्यवस्था हुनु, शिक्षा क्षेत्रमा दृष्टिकोणको अभाव हुनु, राज्यले शिक्षा क्षेत्रका कर्मचारीलाई जिम्मेवार बनाउन नसक्नु, राज्यको नियन्त्रण, नियमन र उपस्थिति नहुनु, शिक्षणमा अब्बल शैक्षिक योग्यताको जनशक्तिलाई मात्र संलग्न बनाइने नीति नबनाउनु, विद्यालयदेखि विश्वविद्यालयसम्म राजनीतिकरण गरिनु, शिक्षकले राजनीति गर्नु, विश्वविद्यालयका उच्चस्तरीय पदहरूमा राजनीतिक दलहरूले भागबन्डाका आधारमा नियुक्त गर्नु, विद्यालय तहका प्रधानाध्यापकको नियुक्ति, शैक्षिक सक्षमता र नेतृत्व क्षमताको आधारमा नभएर सेवाको अवधिका आधारमा हुनुलगायतका कमजोर नीति तथा क्रियाकलापका कारण शिक्षाको गुणस्तर उकासिन नसकेको हो ।

स्रोतमा पूरा पढ्नुहोस् (rajdhanidaily.com)