मेडिकल काउन्सिलको क्षेत्राधिकार सदर गर्दै अदालतद्वारा स्पार्क इन्टरनेसनल हेल्थ रिसोर्टको रिट खारेज

काठमाडौं - उच्च अदालत पाटनले नेपाल मेडिकल काउन्सिल (एनएमसी)को आधुनिक चिकित्सा (एलोपेथी) सम्बन्धी नियमन गर्ने कानुनी अधिकारलाई सदर गर्दै स्पार्क इन्टरनेसनल हेल्थ रिसोर्ट प्रा.लि. ले दायर गरेको रिट निवेदन खारेज गरेको छ।

डा. चेतना पौडेलसमेत जोडिएको उक्त मुद्दामा निवेदक पक्षले नेपाल मेडिकल काउन्सिलले आफ्नो कानुनी क्षेत्राधिकारभन्दा बाहिर गई रिसोर्टमा अनुगमन गरेको तथा अनावश्यक दुःख दिएको दाबी गर्दै अदालतमा रिट दायर गरेको थियो।