मुख्य सामग्रीमा जानुहोस्

समाचार

देश

लापर्बाही नगरौं

rajdhanidaily.com · Thu Feb 10 23:42:19 GMT 2022

ओमिक्रोनको संक्रामक महामारी पछिल्लो समयमा केही साम्य भएको जस्तो देखिए पनि संक्रमित हुनेको संख्या, अस्पताल धाउनेको भीड र मृत्यु हुनेको संख्यामा भने उल्लेख्य कमी आउन सकेको छैन । यसले ओमिक्रोनको असरमा भनेको जस्तो कमी आउन नसकिरहेको यथार्थलाई सतहमा ल्याइदिएको छ । त्यसैले साम्य भयो भनेर मख्ख पर्ने अवस्था छैन ।

कोरोना भाइरस संक्रमण हुने प्रक्रियामा पनि सोचेको झैं कमी आउन सकिरहेको छैन । नमुना परीक्षण गरिएका १ सय जनामा १२ देखि १३ प्रतिशतसम्म संक्रमित भेटिएका छन् । संक्रमितको यो संख्या विश्व स्वास्थ्य संगठनको परिभाषामा जोखिमपूर्ण नै हो । त्यसैले पनि नेपाल कोरोना संक्रमणका हिसाबले आजका दिनसम्म जोखिमपूर्ण अवस्थामा नै रहिरहेको छ । स्वास्थ्य तथा जनसंख्या मन्त्रालयले पनि यसलाई गम्भीरताका साथ लिएको छ । त्यसैले पनि दैनिक गरिने नमुना परीक्षणमा १० हजारभन्दा कम संख्या घटाइएको छैन । दैनिक सरदर १२ जनासम्मले ज्यान गुमाइरहेकाले यसको जोखिमलाई कम आँकलन नमिल्ने जनस्वास्थ्यविद्हरूले बताइरहेका छन् । अग्रमोर्चामा खटेका चिकित्सक तथा सहयोगीहरू अहिले पनि संक्रमण भइरहेकाले ओमिक्रोन संक्रमणको दरमा केही कमी देखिए पनि यसको संक्रामकतामा कमी भने आएको छैन । त्यसैले पनि सुरक्षाका मापदण्ड अपनाउने विषयमा कसैले पनि लापर्बाही गर्नुहँुदैन । सबै सर्वसाधारणले बाहिर निस्कँदा सबै प्रकारको सुरक्षा मापदण्ड अवलम्बन गर्न जरुरी छ ।

स्रोतमा पूरा पढ्नुहोस् (rajdhanidaily.com)