नेपालको सुखद् सुरुवात
annapurnapost.com · Fri Dec 24 07:14:00 GMT 2021
काठमाडौं : एसियन सेन्ट्रल जोन सिनियर महिला भलिबल च्यालेन्ज कपमा नेपालले सुखद् सुरुवात गरेको छ। बंगलादेशको ढाकामा बिहीबार भएको रोमाञ्चक खेलमा श्रीलंकालाई ३–२ को सेटमा पराजित गर्दै नेपालले सुखद् सुरुवात गरेको हो।
साविक विजेतासमेत रहेको नेपालले सुरुवाती दुई सेट गुमाए पनि उत्कृष्ट पुनरागमन गर्दै ३–२ को जित निकालेको हो। सुरुवाती दुई सेट श्रीलंकाले २५–१९, २५–२१ ले आफ्नो पक्षमा पारेको थियो। त्यसपछिका तीन वटै सेट नेपालले आफ्नो पक्षमा पा¥यो। नेपालले २५–१५, २५–१५, १५–१३ को जित निकाल्दै प्रतियोगितामा सुखद् सुरुवात गरेको हो।
स्रोतमा पूरा पढ्नुहोस् (annapurnapost.com)