अनमोल र पूजाको फिल्म अनिश्चित

काठमाडौं । अभिनेत्री पूजा शर्मा लामो समयदेखि फिल्मविहीन छिन् । उनले नयाँ चलचित्र निर्माण गर्ने घोषणा एक वर्षअघि नै गरेकी थिइन् । गत १९ असारमा उनले आफ्नो फिल्मका लागि अभिनेता अनमोल केसीलाई नायकका रूपमा अनुबन्धित गरेकी थिइन् । तर, त्यो चलचित्र अहिलेसम्म पनि छायांकन भएको छैन ।

अभिनेता अनमोल केसीले यति बेला दुईवटा चलचित्रमा अभिनयका लागि सम्झौता गरेका छन् । उनी ती दुई चलचित्रको तयारी गर्दै छन् । सम्झौताअनुसार अनमोलले अभिनेत्री पूजा शर्माको फिल्ममा गत २०७९ भित्रै काम गर्नुपर्ने थियो । तर, उनले यो चलचित्रलाई समय दिएनन् ।