जहाँ १८ वर्षपछि भित्र्याइयो फूलपाती

भोजपुर । पृथ्वीनारायण शाहले नेपाल एकीकरणको समयमा स्थापना गरेको भोजपुरको निशान भवगती मन्दिरबाट करिब १८ वर्षपछि फूलपाती भित्र्याइएको छ । विसं १८२६ तिर स्थापना भएको यो मन्दिरबाट यस वर्ष भने तामझामका साथ फूलपाती भित्र्याइएको हो ।

विसं २०६१/६२ सम्म भव्यरूपमा यहाँदेखि फूलपाती भित्र्याउने चलन भए पनि त्यसयता फूलपाती भित्र्याइन छाडिएको थियो । यस वर्ष भने नेपाली सेना, नेपाल प्रहरी, सशस्त्र प्रहरी तथा सर्वसाधारणले यही मन्दिरबाट फूलपाती भित्र्याएका हुन् ।