अधिकारीको पुनः तीन वर्ष म्याद थप

काठमाडौं । माओवादी लडाकुबाट नेपाली सेनामा समायोजन भएर विशेष पद सिर्जना सहायक रथीमा बढुवा भएका यामबहादुर अधिकारीको ४ वर्षे कार्यकाल पूरा भएपछि पनि सरकारले पुनः तीन वर्ष म्याद थप गरेको छ ।

अघिल्लो हप्ता बसेको मन्त्रिपरिषद्को बैठकले सहायक रथी अधिकारीको म्याद थप गर्ने निर्णय गरे पनि सरकारले सार्वजनिक गरेको मन्त्रिपरिषद्को निर्णयमा अधिकारीको म्याद थप गर्ने निर्णयका बारेमा कुनै कुरा उल्लेख गरिएको थिएन ।