कांग्रेसको निर्वाचन समितिले भन्यो–  जनसम्पर्क समितिको अधिवेशन केन्द्रीय प्रतिनिधिको उपस्थितिमा मात्रै गर्नू

काठमाडौँ । नेपाली कांग्रेसको निर्वाचन समितिले पार्टीका विदेशस्थित नेपाली जनसम्पर्क समितिहरूलाई केन्द्रीय प्रतिनिधिको उपस्थितिमा मात्रै अधिवेशन गर्न निर्देशन दिएको छ । समितिको बुधबारको बैठकले आगामी २०८३ साउन मसान्तभित्र केन्द्रीय प्रतिनिधिको अनिवार्य उपस्थितिमा अधिवेशन सम्पन्न गर्न निर्देशन दिएको हो ।

वरिष्ठ अधिवक्ता एवं निर्वाचन समितिका संयोजक प्रेमबहादुर खड्काको अध्यक्षतामा ललितपुरको सानेपास्थित पार्टी कार्यालयमा बसेको निर्वाचन समितिको बैठकले जनसम्पर्क समितिहरूको अधिवेशनका लागि नयाँ मापदण्ड र कार्यतालिका तय गरेको समेत उल्लेख गरेको छ ।