नाम कृषिमा अनुदान, काम कार्यकर्तालाई दान

व्यावसायिक कृषिको विकासका लागि कृषि अनुदान एक महत्त्वपूर्ण पाटो मानिन्छ। त्यसैले पनि नेपालमा विगतदेखि नै किसानका नाममा सरकारले कृषि अनुदान दिँदै आएको हो। संघीय सरकारमात्र होइन, प्रदेश सरकार र स्थानीय सरकारहरूले समेत कृषि अनुदान वितरण गर्ने गरेका छन्।

तर, त्यसको सदुपयोग भने हुन सकिरहेको छैन। खासमा कृषि क्षेत्रको विकास र किसानले भोग्दै आएको अभावको समस्या समाधान गर्न कृषि अनुदान दिनुपर्ने हो। त्यसको ठीकविपरीत कृषकका नाममा वितरण हुने अनुदान राजनीतिक नेतृत्वहरूले शक्तिको चरम दुरुपयोग गरी कार्यकर्ता पोस्ने बाटो बनाएका छन्।