कुम्हाल युवालाई माटोको भाँडा बनाउन भ्याइनभ्याइ

। दसैंपछि आउने तिहारमा माटोको भाँडाहरुको माग अत्यधिक बढ्ने भएकाले सो माग पूरा गर्नका लागि अहिले नेपालगन्जका कुम्हाल समुदायलाई माटोका भाँडा बनाउन भ्याइनभ्याइ छ ।

तिहार र छठमा माटोको दियो र अन्य भाँडाहरुको माग अत्यधिक हुने गरेकाले कुम्हाल समुदायमा भाँडा बनाउनेहरु केही दिनदेखि माटोको भाँडा बनाउनमा व्यस्त छन् । यतिबेला सो समुदायको अधिकांश मानिसहरू कोही माटो मुछ्ने त कोही माटोको भाँडा बनाउने काममा व्यस्त देखिन्छन् ।