अपराजित नेपाल ‘विश्वकप छनोट च्याम्पियन’

काठमाडौं । ‘आईसीसी ट्वान्टी–२० विश्वकप’ पुगेको नेपालले ‘ट्वान्टी–२० एसिया–इस्ट एसिया प्यासिफिक छनोट’ उपाधिसमेत चुमेको छ । अन्तिम खेलमा शुक्रबार सामोआलाई १ सय २४ रनले हराउँदै नेपाल विजेता बनेको हो । नेपालले अन्तर्राष्ट्रिय क्रिकेट परिषद् (आईसीसी)को आयोजनामा भएका प्रतियोगितामा जितेको यो सबैभन्दा ठूलो प्रतियोगिता पनि हो ।

सन् २०१३ मा पहिलोपटक ‘ट्वान्टी–२० विश्वकप’मा छनोटका समय यूएईमा सम्पन्न ‘ग्लोबल छनोट’मा नेपाल तेस्रो भएको थियो । यसको १० वर्षपछि ‘ट्वान्टी–२० विश्वकप’मा पुनरागमनक्रममा काठमाडौंमा भएको ‘एसिया छनोट’मा नेपाल उपविजेता बनेका थियो ।