सकियो वसन्त ऋतुको हिमाल आरोहण, सगरमाथाबाट मात्रै एक अर्बभन्दा बढी राजस्व सङ्कलन

काठमाडौँ । सन् २०२६ को वसन्त ऋतुमा विश्वको सर्वोच्च शिखर सगरमाथासहित नेपालका विभिन्न हिमाल आरोहण गर्ने कार्य सफलतापूर्वक सम्पन्न भएको छ। पर्यटन विभागका अनुसार यस वर्ष सगरमाथासहित ३१ वटा हिमाल आरोहणका लागि ५६ देशका कुल १ हजार १९५ जना स्वदेशी तथा विदेशी आरोहीहरूले अनुमति लिएका थिए।

विभागले ६ हजार ५०० मिटरभन्दा बढी उचाइ भएका हिमालको र सोभन्दा साना हिमालहरूको आरोहण अनुमति नेपाल पर्वतारोहण सङ्घ (एनएमए) ले दिँदै आएको छ। यस वर्ष अनुमति लिनेमा सबैभन्दा धेरै चीनका १५९, अमेरिकाका १५२, भारतका १०१, जर्मनीका ७५, बेलायतका ७४, रुसका ७०, नेपालका ४४, क्यानडाका ४१, पोल्यान्डका ३२ र फ्रान्सका २७ जना रहेका छन्।