मुलुकको ऐन–कानुन र बुद्धद्वारा देशित गृही विनयको चर्चा

देशमा मूल कानुन संविधान छ र यसमा निहित भएर सयांै ऐन, कानुन, नियम, विनियम आदि पनि छन् । यी संविधानदेखि यावत् ऐन–कानुनका मर्म त देश–समाजको समृद्धि तथा जनताको जीवनयापनमा सहज पार्न अनि कुनै पक्षबाट कसैको विरुद्धमा अन्याय नहोस् भन्ने नै हो । यदि कसैले कसैलाई अन्याय गरेको भए न्याय दिलाउनु पनि ऐन–कानुनको लक्ष्य नै हो । यसै गरी विभिन्न कार्यालय, सेवाप्रदायकहरुको सञ्चालनार्थ पनि ऐन–कानुन भएको र ती कानुनको परिपालन, त्यसप्रति कर्तव्य निर्वाह गर्नु पनि संगठन, सेवाप्रदायक, सेवाग्राही सबैको कर्तव्य हो ।

देशमा भएका विभिन्न ऐन–कानुनमध्ये मुलकी देवानी संहिता २०७४ को प्रस्तावनामा उल्लिखित व्यहोरा यहाँ स्मरण गर्नु सान्दर्भिक हुन्छ । मुलुकमा कानुन र व्यवस्था कायम गरी सर्वसाधारणको नैतिकता, शिष्टाचार, सदाचार, सुविधा एवं आम वर्गको हित कायम राख्न तथा सामाजिक र सांस्कृतिक क्षेत्रका न्यायपूर्ण व्यवस्था कायम गरी विभिन्न मत वा साम्प्रदायिकबीचको सुसम्बन्ध कायम राख्नको लागि यो ऐन बनाइएको उल्लेख भएको यहाँ स्मरणीय छ ।