विधेयक परिमार्जन नगरे चलचित्र विकाश बोर्ड नै बहिष्कार

काठमाडौं । चलचित्र सम्बन्धि आठवटा पेशागत संघ संस्थाले चलचित्र विकाश बोर्डको कार्यक्रम बहिष्कारको घोषणा गरेका छन् । चलचित्र पत्रकार संघ नेपालले बुधबार काठमाडौंमा आयोजना गरेको दशैं, तिहार, छट तथा नेपाल सम्बत नयाँ वर्षको शुभकामना आदन प्रदानका लागि आयोजना गरेको कार्यक्रममा चलचित्रकर्मीहरुले बोर्डको कार्यक्रम बहिष्कारको घोषणा गरेका हुन् ।

२०२६ सालमा बनेको चलचित्र निर्माण, वितरण तथा प्रदर्शन सम्बन्धि ऐनलाई परिमार्जन गर्न सञ्चारमन्त्रालयले यसको बिधेयकको मस्यौदा तयार गरेको छ । यो मस्यौदालाई अहिले परिमार्जनको लागि चलचित्र विकाश बोर्डको वेभ साईटमा राखिएको छ । आफुहरुले दिएको मस्यौदालाई बदलेर सञ्चारमन्त्रालयको कर्मचारीको मातहतमा बोर्ड राख्ने गरी यो विधेयक तयार गरिएकाले आफुहरुले यसलाई बहिष्कार गरेको सिनेकर्मीहरुले बताएका छन् ।