सीआईएसँग सहकार्य गर्न क्युबाली नागरिकलाई अमेरिकाको अपिल, क्युबाले भन्यो– टुथपेस्ट बेचेजस्तो

काठमाडौं । अमेरिकी विदेशमन्त्री मार्को रुबियोले क्युबाली नागरिकलाई परिवर्तनका लागि अघि बढ्न र अमेरिकी गुप्तचर निकाय सीआईएसँग सहकार्य गर्न अपिल गरेका छन् । उनको अपिलपछि क्युबाले त्यसको व्यङ्ग्यात्मक जवाफ दिएको छ ।

क्युबाका उपविदेशमन्त्री कार्लोस फर्नान्डेज डी कोसियोले अमेरिकाले सार्वजनिक रूपमा सीआईएका लागि भर्ती अभियान चलाइरहेको भन्दै त्यसलाई टुथपेस्ट बेचेजस्तो भएको टिप्पणी गरेका छन् । उनले अमेरिकी कदमलाई निराशा र असहाय अवस्थाको संकेतका रूपमा व्याख्या गरेका छन् ।