एक वर्षपछि रिहा भए अभिनेता पल शाह

पोखरा । नाबालिक गायिका बलात्कार अभियोगमा थुनामा परेका अभिनेता पल शाह ठीक एक वर्षपछि जेलमुक्त भएका छन् ।

सुटिङका क्रममा पटकपटक करणी गरेको भनी नाबालिकले पलविरुद्ध गत वर्ष ११ फागुनमा जिल्ला प्रहरी कार्यालय तनहुँमा उजुरी दिएकी थिइन् । आफूविरुद्ध उजुरी परेपछि केही दिन फरार अभिनेता शाहले १५ फागुनमा प्रहरीसमक्ष आत्मसमर्पण गरेकामा त्यसको ठीक एक वर्षपछि उच्च अदालत पोखराको आइतबार सफाइको फैसलासँगै जिल्ला कारागार कार्यालय तनहुँबाट रिहा भएका हुन् ।