अल्भारेजका लागि रियलको १५० मिलियन युरोको प्रस्ताव एट्लेटिकोद्वारा अस्वीकार, सामाजिक सञ्जालमा उडायो खिल्ली

म्याड्रिड । स्पेनिस क्लब रियल म्याड्रिडले आफ्नो सहरी प्रतिद्वन्द्वी एट्लेटिको म्याड्रिडका अर्जेन्टिनी फरवार्ड जुलियन अल्भारेजका लागि गरेको १५० मिलियन युरोको ठुलो प्रस्ताव अस्वीकृत भएको छ। रियल म्याड्रिडका अध्यक्ष फ्लोरेन्टिनो पेरेजले गत हप्ता आफू पुनः अध्यक्ष पदमा निर्वाचित भएमा एक जना नाम नखुलाइएका ‘ग्यालाक्टिको’ खेलाडीका लागि १५० मिलियन युरोको प्रस्ताव गर्ने वाचा गरेका थिए।

आइतबार भएको निर्वाचनमा सफलतापूर्वक आफ्नो वर्चस्व कायम राखेपछि पेरेजले आफ्नो वाचा पूरा गर्दै २६ वर्षीय स्ट्राइकर अल्भारेजका लागि औपचारिक प्रस्ताव अगाडि बढाएका थिए। तर, एट्लेटिको म्याड्रिडले अल्भारेजको रिलिज क्लज ५०० मिलियन युरो रहेको उल्लेख गर्दै रियलको उक्त प्रस्तावलाई सिधै अस्वीकार गरिदिएको छ।