क्याम्बोडियामा जस्तो स्क्यामिङले नेपालमा जरा नगाडोस् भनेर 'सजग रहेको' बताएका अधिकारीहरू के गर्दै छन्?

क्याम्बोडिया सरकारले त्यहाँ 'स्क्यामिङ सेन्टर'मा संलग्न विदेशीहरूलाई व्यापक कारबाही थाल्ने बताइरहँदा नेपाली अधिकारीहरूले आफ्ना नागरिकलाई त्यहाँबाट निस्कने 'सम्भवतः अन्तिम अवसर'को सदुपयोग गर्न आग्रह गरेका छन्।

नेपालको आग्रहमा क्याम्बोडियाबाट गत एप्रिलदेखि हालसम्म ५५० भन्दा धेरै अलपत्र परेका नेपाली नागरिकहरू बाहिर निस्किसकेको ब्याङ्ककस्थित नेपाली दूतावासले जनाएको छ।