बलियो प्रतिस्पर्धीमाझ आत्मविश्वासी नेपाली टोली

काठमाडौँ– एशियाली क्रिकेट काउन्सिल (एसीसी)ले प्रिमियर कपका लागि समूह विभाजन गर्दा नै यसपटक नेपाललाई टक्कर दिने टोली ओमानलाई ठानिएको थियो। यसकारण पनि उसलाई बलियो मान्न सकिन्थ्यो कि विश्वकप क्रिकेट लिग-२ को शीर्ष दुईमा परेको ओमान नेपालसामू विगतमा पनि हाबी हुँदै आएको थियो। यही समूहमा रहेका मलेसिया, साउदी अरब र कतारले भने यसअघि नेपाललाई कडा टक्कर दिन सकेका छैनन्। मंगलबार पनि त्यस्तै भयो। समूह ‘ए’को पहिलो खेलमा नेपालले मलेसियालाई ६ विकेटले पराजित गर्दै विजयी शुरूआत गर्‍यो।