घोराहीमा दुई सय बढी विद्यार्थीलाई न्यानो कपडा

दाङ। घोराहीमा दुई सय बढी विद्यार्थीलाई न्यानो कपडा वितरण गरिएको छ । घोराही उपमहानगरपालिका–१६ वडा कार्यालयले वडाका सामुदायिक विद्यालयमा अध्ययनरत विद्यार्थीलाई चिसो मौसममा लगाउन आवश्यक पर्ने जम्बर र टाउजर निःशुल्क सहयोग गरेको हो ।

घोराही उपमहानगरपालिका–१६ मा रहेका तीनवटा सामुदायिक विद्यालयमा अध्ययनरत विद्यार्थीलाई न्यानो कपडा वितरण गर्ने कार्यक्रमअन्तर्गत वडा कार्यालयले शुक्रबार पोसाक वितरण गरेको हो । वडा कार्यालयको आर्थिक वर्ष २०८२/८३ को सामुदायिक विद्यालयमा अध्ययनरत विद्यार्थीलाई न्यानो कपडा वितरणका लागि विनियोजन गरिएको रु तीन लाखबाट वडामा रहेका तीनवटा सामुदायिक विद्यालयमा अध्ययनरत एक सय २५ विद्यार्थीलाई न्यानो कपडा वितरण गरिएको वडाध्यक्ष ताराबहादुर डाँगीले जानकारी दिए ।