एमालेसँग प्रचण्डको आशंका, भन्छन्: तत्काल एकता सम्भव छैन

नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले आफ्नो पार्टी र नेकपा एमालेलाई एउटै देखाउने भाष्य निर्माण गर्न खोजिएको बताएका छन्। उनले विचार, इतिहास र राजनीतिक कार्यशैलीमा दुवै पार्टीबीच भिन्नता रहेको स्पष्ट पार्दै तत्काल एमालेसँग पार्टी एकता हुने सम्भावना नरहेको बताएका छन्।

नेपाली कम्युनिस्ट पार्टीको दुईमहिने राष्ट्रिय जागरण अभियान उद्घाटनका लागि आयोजित पत्रकार सम्मेलनमा बोल्दै प्रचण्डले भ्रष्टाचारविरुद्ध संघर्ष गर्ने र भ्रष्टाचारलाई संरक्षण गर्ने पार्टी एउटै हुन नसक्ने तर्क गरे।