रास्वपा दैलेखमा पदाधिकारी घोषणा भइसकेपछि खसेको भन्दा बढी मत भेटियो

सुर्खेत । राष्ट्रिय स्वतन्त्र पार्टी (रास्वपा) दैलेखको प्रथम अधिवेशन विवादित बनेको छ । सभापतिमा बखतबहादुर भण्डारी निर्वाचित भइसकेको घोषणापछि अहिले आएर १२ मतको खोजी भइरहेको हो ।

रास्वपा दैलेखको सभापति पदका लागि चार जना आकाङ्क्षी थिए । सर्वसम्मत रूपमा कुरा नमिलेपछि आइतबार साँझ चुनाव भएको थियो । सभापतिका एक आकाङ्क्षी प्रकाश बुढाका अनुसार मतदानमा कुल खसेको मत संख्या २४० भनिएको थियो ।