पास मिलाएबापत चुँडालले लिन्थे घुस, कार्यकक्षबाट स्रोत नखुलेको आठ लाख र ९ बोतल ब्रान्डेड मदिरा बरामद

काठमाडौं : त्रिभुवन अन्तर्राष्ट्रिय विमानस्थलको आन्तरिक टर्मिनलमा आवातजावतको पास मिलाइदिएबापत घुस लिने नागरिक उड्डयन प्राधिकरणका एक कर्मचारीलाई अख्तियारले नियन्त्रणमा लिएको छ। आन्तरिक टर्मिनलको व्यवस्थापन शाखा प्रमुखसमेत रहेका पूर्णप्रसाद चुँडाललाई अख्तियारले १ लाख ५० हजार रुपैयाँ घुससहित सोमबार पक्राउ गरेको हो।

स्रोत नखुलेको ८ लाख रुपैयाँसमेत उनको दराजबाट भेटिएको आयोगले जनाएको छ। उनीसँग विभिन्न ब्राण्डका ९ बोतल मदिरा, चार थान मोबाइल र निजले प्रयोग गर्ने डायरीसमेत बरामद भएको छ।