आइतबार पोखरामा दसैँ पर्यटन तथा सांस्कृतिक महोत्सव हुँदै

कास्की । पोखरामा आइतबार दसैँ पर्यटन तथा सांस्कृतिक महोत्सव आयोजना हुँदैछ । महिला पर्यटन व्यवसायी मञ्चको आयोजना तथा नेपाल पर्यटन बोर्ड गण्डकी प्रदेशको प्रवर्द्धनमा महोत्सव हुन लागेको हो ।

पोखरा ६ लेकसाइडस्थित बाराहीघाट मैदानमा हुने महोत्सवमा सांस्कृतिक विविधता, स्थानीय जीवनशैली, मौलिक खाना, कला, परम्परागत पिङलगायतका कार्यक्रमको आयोजना गरिएको महिला पर्यटन व्यवसायी मञ्चकी अध्यक्ष ममता न्यौपानेले जानकारी दिइन्।