गुजरातविरुद्ध पञ्जाबको रोमाञ्चक जीत

इंडियन प्रिमियर लिग (आईपीएल) क्रिकेटमा गुजरात टाईटन्सविरुद्ध पञ्जाब किंग्सले रोमाञ्चक जीत हात पारेको छ । बिहिबार राति सम्पन्न खेलमा पञ्जाबले गुजरातमाथि ३ विकेटको रोमाञ्चक जीत दर्ता गरेको हो ।

गुजरातले दिएको २०० रनको विशाल लक्ष्य पञ्जाबले १ बल बाँकी रहँदा ७ विकेट गुमाएर पूरा गर्‍यो। पञ्जाबको जितमा शशाङ्क सिंहले २९ बलमा ६१ रनको विष्फोटक इनिङ खेले । यस्तै प्रभसिम्रन सिंहले २४ बलमा ३५ रन बनाए ।