म्यानचेस्टर सिटीकाे अपराजित यात्रामा पूर्णबिराम, एस्टन भिल्ला २–१ ले विजयी

निकोलस ज्याक्सनले २ गोल गरेपछि एस्टन भिल्लाले इंग्लिस प्रिमियर लिग (इपिएल) मा म्यानचेस्टर सिटीलाई २–१ ले पराजित गरेको छ। योसँगै जारी सिजन लगातार ७ खेल जितेको सिटीको विजयी यात्रा टुंगिएको छ। भिल्लाको घरेलु मैदानमा मार्क गुएहीको गल्तीको फाइदा उठाउँदै ज्याक्सनले छैटौँ मिनेटमै गोल गरेका थिए।

पहिलो हाफमा पछि परेको सिटीले दोस्रो हाफको सुरुवातमा एर्लिङ हालान्डको गोलमा बराबरी गरेको थियो। हालान्डले जारी सिजन लिगमा नवौँ गोल गरेका हुन्। तर, खेलको ६०औँ मिनेटमा ज्याक्सनले व्यक्तिगत दोस्रो गोल गरेपछि भिल्ला पुनः अग्रतामा फर्कियो। उनको प्रहार गोलरक्षक जियानलुइजी डोनारुम्माले नियन्त्रणमा लिन नसक्दा बल गोलपोस्टभित्र छिरेको थियो। त्यसपछि सिटीले बराबरी गोल फर्काउन सकेन र सिजनको पहिलो हार बेहोर्न बाध्य भयो।