युनाइटेड घरमै गालातासारेसँग स्तब्ध

पेरिस — म्यानचेस्टर युनाइटेडको खराब सिजनमा मंगलबार थप धक्का पुगेको छ । युरोपेली च्याम्पियन्स लिगको घरमै भएको खेलमा गालातासारेसँग युनाइटेड ३–२ ले पराजित भएको छ ।

ओल्ड ट्रायफोर्डमा भएको खेलमा टर्कीको टिम दुईपल्ट पछाडि रहेर पनि खेलमा फर्कन सफल भएको हो । खेलको अन्त्यमा युनाइटेड १० खेलाडीमा सीमित रहेको थियो । खेल सकिन ९ मिनेट अगाडि मउरो इकार्डीले गालातासारेका लागि निर्णायक गोल गरे ।