महिला प्रिमियर कपमा नेपालको लगातार दोस्रो जित, रुविना र सीताको उत्कृष्ट प्रदर्शन

सीता राना मगर र रुविना क्षेत्रीको अलराउन्ड प्रदर्शनमा नेपालले एसीसी महिला प्रिमियर कपमा लगातार दोस्रो जित निकालेको छ। मलेसियामा बिहीबार भएको खेलमा नेपालले भुटानलाई ५१ रनले पराजित गर्दै समूह डीमा चार अंकसहित शीर्ष स्थानमा कायम छ।

९.२ ओभरमा मात्र ४७ रन जोड्दा ७ विकेट गुमाएको स्थिति सम्हाल्दै रुबिना र सीताले आठौं विकेटका लागि ४० रनको महत्वपूर्ण साझेदारी गरे। सीताले ३७ रन बनाउँदै नेपालको इनिङ्स सम्हालिन् भने रुविनाले २४ रनको योगदान दिइन्। उनीहरूको साझेदारीकै कारण नेपाल १ सय १३ रनसम्म पुग्न सफल भयो।