नेपाल बीमा प्राधिकरणको ५८औँ वार्षिकोत्सव, दुई दशक सेवा अवधि पूरा गरेका कर्मचारीहरू सम्मानित

ललितपुर / नेपाल बीमा प्राधिकरणले आफ्नो ५८औँ वार्षिकोत्सव एक विशेष कार्यक्रम आयोजना गरी मनाएको छ ।कार्यक्रममा सम्बोधन गर्दै प्राधिकरणकी अध्यक्ष चन्द्रकला पाैडेलले बीमा क्षेत्रको विकास र पहुँच विस्तारका लागि नीतिगत सुधार, बीमितको हित संरक्षण, समयमै दाबी भुक्तानी तथा गुणस्तरीय सेवा प्रवाहलाई प्राथमिकतामा राखेर अघि बढ्नुपर्ने बताइन् ।

उनले बीमितको हित संरक्षण, बीमकहरूको संस्थागत सुदृढीकरण, जोखिममा आधारित निरीक्षण प्रणाली, सुशासन प्रवर्द्धन तथा डिजिटल रूपान्तरणलाई आगामी दिनमा प्रमुख प्राथमिकताका रूपमा अघि बढाइने जानकारी दिइन् ।