सुकुम्वासीको नयाँ सङ्कट: आश्रयस्थलमा बढ्दै लागुऔषध दुर्व्यसनी

काठमाडौँ – थापाथलीस्थित बागमती नदी किनारबाट विस्थापित भई कीर्तिपुरको राधास्वामीस्थित होल्डिङ सेन्टरमा पुर्‍याइएका सुकुम्वासी परिवार यतिबेला बहुआयामिक सङ्कटमा परेका छन् । एकातिर उनीहरूलाई दैनिक गाँस, बास र कपासको चिन्ताले सताएको छ भने, अर्कोतिर सेन्टरभित्रै बढ्दो असुरक्षा र लागुऔषध दुर्व्यसनीको खुला बिगबिगी उनीहरूका लागि नयाँ र ठुलो चुनौती बनेको छ ।