सरकारी अस्पतालका फार्मेसीमा फार्मासिस्टको भूमिका र चुनौती

गुणस्तरीय फार्मेसी सेवा पाउनु जनताको अधिकार र फार्मासिस्टको दायित्व हो। औषधि उत्पादनदेखि अन्त्यसम्मका कार्य जस्तै गुणस्तर नियन्त्रण, समुचित भण्डारण, बिक्रीवितरण एवं व्यवस्थापन तथा समुचित प्रयोगगर्ने पेसालाई फार्मेसी भनिन्छ र यी कार्यहरुमा दक्षता हासिल गरेका विज्ञ जनशक्तिलाई फार्मासिस्ट भनिन्छ। फार्मासिस्टको मुख्य काम औषधिय सामाग्रीहरूको निर्माण र प्याकेजिङ,वितरण, गुणस्तर नियन्त्रण, रोगी तथा अन्यलाई औषधिको प्रयोगकाबारे सल्लाह दिने, औषधिसम्बन्धी खोज तथा अनुसन्धानमा सहयोग गर्ने, निर्माण गरिएको औषधिको नीति र मापदण्डहरूको पालना गर्ने, फार्मेसी शिक्षा र प्रशिक्षणको व्यवस्था गर्ने पनि समावेश गरिन्छ।

हाल नेपालमा डिप्लोमा, स्नातक,स्नातकोत्तर तथा विद्यावारिधी सम्मको पाठयक्रम अध्यापन हुँदै आएको छ। सरकारी क्षेत्रमा सहायक स्तर पाँचौ देखि महानिर्देशक एघारौं तहसम्मको दरबन्दी सिर्जना गरिएको छ ।