अमेरिका–रुस जोड्‌ने सुरुङ बनाउन पुटिनका सहयोगीको प्रस्तावः ट्रम्प उत्साहित

रुसी राष्ट्रपति भ्लादिमिर पटिनका सहयोगी किरिल दिमित्रिभले रुस र अमेरिका जोड्ने सुरुङ मार्ग बनाउन आग्रह गरेका छन् । ७० माइल लम्बाइको रुसदेखि अमेरिकाको अलास्कासम्म जोड्ने सुरुङ मार्गमा रेल तथा कार्गो चलाउन सकिने दिमित्रिभले उल्लेख गरेका छन् ।

उनले टेस्ला तथा सामाजिक संजाल एक्सका मालिक एलन मस्कलाई आग्रह गरेर ६५ अर्ब अमेरिकी डलर लागत लाग्ने परियोजना बन्न अहिले बोरिङ कम्पनीको प्रविधिको कारणले ८ अर्ब अमेरिकी डलरमै हुने पनि बताएका छन् ।