अमेरिकी जासुसी विमान आफ्नो देशमा छिरेको चीनको आरोप, सैनिक गतिविधि सबै रेकर्ड गरिए

एजेन्सी । अमेरिका र चीनबीच फेरि एकपटक तनाव बढेको छ । चीनले २ अमेरिकी जासुसी विमान आफ्नो सीमामा घुसेको आरोप लगाएको छ । चीनको यो आरोपसँगै २ देशबीच फेरि तनाव बढेको हो । चीनले ती २ जासुसी विमानले चिनियाँ सैन्य अभ्यासको गोप्य रुपमा रेकर्ड गरेको आरोप लगाएको छ । उक्त घटना उत्तरी चीनको सिमानामा भएपनि त्यसको आधिकारिक लोकेशन भने चीनले दिएको छैन ।

चीनले लगाएको आरोपको अमेरिकाले खण्डन गरेन, बरु उसले आफ्ना विमानहरुले नियम नतोडेको दाबी गरेको छ । यी दुई देशबीचको तनाव गम्भीर मोडमा पुग्न सक्ने अन्तर्राष्ट्रिय सञ्चारमाध्यामहरुले जनाएका छन् । किनभने गत महिनामा २ अमेरिकी लडाकु विमान संघाईबाट ७५ किलोमिटरको दुरीमा उडान भरिरहेका दृष्यहरु समेत देखिएका थिए ।