पेट्रोल पम्प खोल्न परेका सबै निवेदन खारेज, अब निगम आफैले पेट्रोल पम्प खोल्ने

काठमाडौं, २८ असार । नेपाल आयल निगमले नयाँ पेट्रोल पम्प खोल्नको लागि परेको सबै आवेदन रद्द गरेको छ । निगमले नयाँ पेट्रोल पम्प संचालनको लागि गत बैशाख र भदौमा आवेदन खुला गरेकोमा सबै आवेदन रद्द गरेको हो ।

नयाँ पेट्रोल पम्प संचालन गर्न १०२५ आवेदन परेकोमा निगमको संचालक समितिको बैठकले सबै आवेदन रद्द गरिदिएको हो । अब निगमले थप पेट्रोल पम्प खोल्ने प्रक्रियालाई समय सापेक्ष र ब्यबस्थित बनाउने जनाएको छ । साथै निगमले अब आफ्नै पेट्रोल पम्प संचालन गर्ने समेत जनाएको छ ।