काठमाडौंमा ४ सहित सोमबार ७८ जनामा कोरोना संक्रमण

काठमाडौंका चार जनासहित सोमबार एकैदिन ७८ जना कोरोना संक्रमित थपिएका छन्। योसँगै कोरोना संक्रमितको संख्या ६ सय ८२ पुगेको छ।

सोमबार बिहान ७२ जना र दिउँसो थप ६ जनामा संक्रमण देखिएको स्वास्थ्य मन्त्रालयले पुष्टि गरेको हो। थपिएका संक्रमितहरूमा काठमाडौंका चार जना छन्, जसमा टोखाका दुई, बुढानिलकण्ठका एक र बाराको कलैयामा कार्यरत काठमाडौं घर भएका एक जना छन्।