राजस्थानलाई हराउँदै कोलकाताले बनायो अघिल्लो चरणको सम्भावना

काठमाडौं- इन्डियन प्रिमियर लिग (आइपिएल) टी ट्वान्टी क्रिकेटमा राजस्थान रोयल्सलाई ६० रनले पराजित गर्दै कोलकाता नाइट राइडर्सले शीर्ष चारभित्र पर्ने सम्भावना जीवित राखेको छ। समूह चरणको अन्तिम खेलमा इओन मोर्गानको ब्याटिङ र पाट क्युमिन्सको बलिङ चल्दा कोलाकाताले खेल जितेको हो।

राजस्थान रोयल्सले टस जितेर फिल्डिङ रोजेपछि ब्याटिङमा आएको कोलकाताले पूरा २० ओभर खेल्दै ७ विकेट जाँदा १ सय ९१ रन बनाएको थियो। जसमा शुभमन गिलले २४ बलमा ३६, राहुल त्रिपाठीले ३४ बलमा ३९, इओन मोर्गानले ३५ बलमा अविजित ६८, एन्ड्रे रसेलले ११ बलमा २५ रन बनाएका थिए।