यमराजका दूत कागलाई पूजा गर्दै आज काग तिहार मनाइँदै

काठमाडौँ। नेपालीहरूको दोस्रो ठूलो चाड तिहारको पहिलो दिन, प्रत्येक वर्ष कार्तिक कृष्ण त्रयोदशीका दिनमा मनाइने काग तिहार पर्व आज (आइतबार) बिहान यमराजको दूतका रूपमा कागलाई मीठोमीठो चिजबीज खान दिएर मनाइँदैछ।

नेपाल पञ्चाङ्ग निर्णायक विकास समितिका अध्यक्ष प्रा शम्भुप्रसाद ढकालका अनुसार बिहान सूर्योदयकालमा त्रयोदशी तिथि परेकाले शास्त्रसम्मत रूपमा आज यो पर्व मनाउने निर्णय गरिएको हो।