लालिगा: आल्मादाको गोलमा एट्लेटिको मड्रिड विजयी

काठमाडौँ। स्पेनिस ला लिगामा एट्लेटिको माद्रिदले ओसासुनामाथि १–० को जित हात पारेको छ। घरेलु मैदानमा शनिबार राति भएको खेलमा एट्लेटिकोका थियागो आल्मादाले ६९औँ मिनेटमा निर्णायक गोल गर्दै टोलीलाई तीन अङ्क दिलाए।

खेलको पहिलो हाफमा दुवै टोलीले अवसर सिर्जना गरे पनि गोल गर्न सकेनन्। दोस्रो हाफमा एट्लेटिकोले दबाब बढाउँदै खेलको नियन्त्रण लियो र अन्ततः आल्मादाको सुन्दर गोलबाट अग्रता लियो।